:::"HANA ALASAN":::

Peukeuh loen salah peugah hai intan...
Bek hana alasan ka roe ie mata...
Meuhan that susah mumang pikiran...
Man sibak malam payah meujaga...

Peu yang berubah hana le saban...
Tapi perasaan manteng lagee biasa...
Meubek takubah laju utarakan...
Supaya uloen tuan peu rubah sigra...

Mungken diriloen hana le perhatian...
Lagee phon jadian geutanyoe dua...
Karap dua thon dalam jalenan...
Cinta ngen sayang suka ngen duka...

Tapi lawet nyoe na pekerjaan...
Bukon dek intan loen peduli hana...
Uloen disinoe mita penghasilan...
Keu bacuet jajan bantu keluarga...

Loen harap gata beu pengertian...
Oh wate cs'an bek mita dawa...
Tamaklum kanda sibok hana ban...
Karena na beban aneuk agam tuha...

Beugot got dinda gata disinan...
Jiwa ngen badan harap tajaga...
Peu yang tapeugot pike ngen iman...
Bek tacok jalan larangan agama...