Saleem Cinta Tiga Segi (Trilogik Cinta) Saleem

Dara Blang Bintang

¤¤ UJEUN ¤¤

Peurangoe ureung han tatuoh peugah..
Tuto bak lidah meumacam cara..
Watee geubi kheung cukop that susah..
Oh ujeun salah liphek lagoina..

Yang that meupep pep ureung sumurah..
Baje manteng basah rudok pih kana..
Cukop meucep cep oh ta eu babah..
Seakan salah rahmat Po Ta'ala..

Peu yang Tuhan bri dumpeu hana pah..
Cukop that parah ummat manusia..
Oh na mentari su'uem kapeugah..
Watee ujeun rhah lupie lagiona..

Kapike donya yang ato nek kah..
Galak ka olah kiban yang suka..
Tapi hai syeara nyan milek Allah..
Peu yang geulimpah beu ek tasuka..

Mungken uroe nyoe rahmat geu singgah..
Singoh musibah kadang bencana..
Bak Tuhan sidroe cit kageu arah..
Tanyoe bek gundah bek putoh asa..

Meunye han ek taduek lam bumoe Allah..
Mita hai mutuah tempat yang suka..
Dinoe meusipreuk rahmat meulimpah..
Tajaga lidah meubek ta cerca..

Perlee ta syukur geubri le Allah..
Salat istikharah baroken ta pinta..
Dinoe Geuguyur tanoh tan le crah..
Bungong dum bukah kumang meubanja..

:::"HANA ALASAN":::

Peukeuh loen salah peugah hai intan...
Bek hana alasan ka roe ie mata...
Meuhan that susah mumang pikiran...
Man sibak malam payah meujaga...

Peu yang berubah hana le saban...
Tapi perasaan manteng lagee biasa...
Meubek takubah laju utarakan...
Supaya uloen tuan peu rubah sigra...

Mungken diriloen hana le perhatian...
Lagee phon jadian geutanyoe dua...
Karap dua thon dalam jalenan...
Cinta ngen sayang suka ngen duka...

Tapi lawet nyoe na pekerjaan...
Bukon dek intan loen peduli hana...
Uloen disinoe mita penghasilan...
Keu bacuet jajan bantu keluarga...

Loen harap gata beu pengertian...
Oh wate cs'an bek mita dawa...
Tamaklum kanda sibok hana ban...
Karena na beban aneuk agam tuha...

Beugot got dinda gata disinan...
Jiwa ngen badan harap tajaga...
Peu yang tapeugot pike ngen iman...
Bek tacok jalan larangan agama...

Seumeloeh Trang ( By: Danker )

Dara Blang Bintang

Hikayat "Cinta Lam G+"
Oleh: QIQI
Buleuen limong blah ceudah kon wayang, leumah cukop trang peuneurang donya.
Meunan hai kisah surah kiasan, keu peurasaan jinoe lon rasa.
Sikuntom bungong tanom lam taman, dara dambaan lam saboh desa.
Dara bit tari putri jelmaan, ngon ulon saban G+ dua.
Hana lon sangka cinta meu labang, keu sidroe insan di matang g2.
Sampe uroenyoe adoe teubayang, putroe kayangan sang deuh dimata.
Hate teupawot keu gata intan, saboh praktikan di matang g2
 Gaseh lon buka cinta meulabang, bit ulon tuan ka jatoh rasa.
Aceh utara kaya gas alam, aceh seulatan ceudah lagoina.
Lon peundam rasa cinta keu intan, hajad lon tuan beu lon poe atra.
Sideh di bireuen ji pula mamplam, pante seulatan tanom bak pala.
Cuma keu gata dek putroe intan, hate lon tuan hanya keu dinda.
Si kuntom mawoe sinoe lam taman, ta cok yoh keumang keu ayeum mata.
  G+ habeh gaseh han leukang, keubit dek intan han ek lon lupa.

 URENG LOEN CINTA

leupah raya syang lon keu gata
gaseh lon nyoe dek sampoe nyawong cree,
Jioh ngon to lon teutap seutia
han lon peudua gata bohate..
-------------------------------------------------- 
tapi pakon lon hana ta sayang
pakat meuprang ngon ulon sabe
yang lon peugah mandum meungambang
Tanyo meulho sampoe jeut keu pakee..
-------------------------------------------------- 
Adx kon le ureung yg lon turi
tuto bak bibi mandum ka dusta
yang lon peugah hana ta peuduli
sabe2 ngon lon ka meudawa
-------------------------------------------------- 
mnyo adx memang kon judo lon
ka tujoh thon geutanyo dua
bah lon ulang mntong dari phon
Lon lake tulong bak Tuhan yg Kuasa

PEUDUA CINTA

lon pike bulen teungoh malam trang
rupajih awan reudok ji teuka
lon sangka gaseh puteh ji sayang
rupa jih hitaM ban sandiwara
--------------------------------------------------  

tengoh cot uroe ji teuka reudok
angen trok sibok geulanteu teuka
cinta yg lon ba setia han trok
sayang yg lon jok hana harga
--------------------------------------------------  
riyeuk meugulong di bineh pasi
cicem keudidi bineh kuala
hana setia cinta yg lon bi
sayang tan arti asee ji tuka
--------------------------------------------------  
di pasi ujoung blang ureung keumawe
di dineh pante bate meubanja
luka lam dada hancoe lam hate
lage sang mate meunan teurasa
--------------------------------------------------  
di dalam rimba rusa meulet-let
di ateuh buket lutong meusenda
hate keucewa leupah that saket
dak jeut bek hudep lage nyoe rasa
--------------------------------------------------   
ta jak u lampoh pula bak kacang,
ta jak u blang padee tapula,
nibak malam nyoe hate loen bimbang,
pikiran mumang hana ceuria ,
--------------------------------------------------   

dalam panton nyoe haba loen sayang,
ngon peurasaan lon tuleh kata,
keu sidroe ureung yang that loen sayang,
kadang dek intan na lam anggota, ,
--------------------------------------------------   
Menyoe na ta tabaca pantoen cut abang,
ta balah rijang wahe adinda,
Mnyoe memang adoe gaseih ka leukang, ,
peugah hai intan bek meunan cara,,,

 -------------------------------------------------

alah hai tuboh

alah hai tuboh saket meukarat,,

hate ngon urat rindu meubura..
di teuka gundah tiep uroe meuhat..
hatee meuhajat meuheut neuk gisa..

di dalam rantoe sampoe jue meuhat..
udeup that arat ban ureung papa..
kadang pajoe bu sigoe ka meuhat..
jan2 hai sahbat kadang ciet hana,,

kadang kana bue eungkot tan meupat..
kuah hai sahbat minyeuk ngon sira..
haba lam rantoe ka ulon surat..
sedih ngon mangat harus ta rasa..

haba peu antoek

assalamu a’laikom warah marahmatullah.
adun ngon ayah jinoe lon sapa.
ngon baca panton ca’e hikayat.
uloen meuhajat beujioh bala.

budaya seni jinoe ka rei that.
timu ngon barat tan jioh beda.
budaya atjeh jioh tinggai that.
seumeujak barat ngong mat kuasa.

nanggroe ajteh jameun meugah that.
lagee ban kulat timoh pat nyoengna.
jinoe hai wareh biet2 tinggai that.
lagee ibarat ticem lam cintra.

di samahani gunoeng payang that.
pok atjeh barat bukit meubanja.
meuheut lam hate sabee ciet meuhat.
beumeuwoe pangkat atjeh nyoeh mula.

gonoeng gurute ramee nyoeng kunjong.
u tanoh rincong ramee nyoeng teuka.
tp that sayang wareh nyoe kawoem.
seni lam gampong gadoh tan le na.

haba peu ingat wahee rakan loen.
oh ta top teupong alee neujaga.
bek sampoe teupeh jaroe wareh loen.
meudarah teupong han jeut taguna.

yoh mantong muda sehat ngon tuboh.
tuntut beusunggoh teungoh na paksa.
meunyoe ka tuha han lee sahoe roh.
ija bak tuboh payah gop hila.

campli diladang abeh bui pajoh.
jagong dilampoh ka kameng seuba.
seuni geutanyoe harus ta peuroh.
bek salah huroh wate gop baca.

meunyoe dalam krueng na bieng ta pajoh.
lam rimba jioh ta timbak rusa.
menyoe na narit salah uloen boeh.
tulong peuleuroh mangat pah bahsa.

karu keudidi di dalam lampoh.
utuyong riyoh wate ka seujan.
asai bek karu bek jeut keu musoh.
saran bek peutoh neujoh keu hamba.

ranup sigapu lam batek teuboh.
harus tapajoh mulia jamee.
leubeh dan kureung meuah jinoe loen piyoh.
bek payang ratoh han tjiet guna.

malam ka jula kajeut ta piyoh.
ca’e kaputoh bak izar monta.
akhai bak kalam salam alaikom.
wareh ngon kawoem soe simak sastra.
naleung dalam glee ka abeh thoe kreng.
ban eungkot kareng d dalam raga..
kaseh di uloen abeh keureuteng.
ban campli kleng d dalam tika.
alamat mate gaseh lam jantong.
siseung sioen-oen gadoh lam dada.
hajat maksud cinta meusambong.
malah hudeup meutamah luka.
di dalam rimba pula kaye thoen.
d dalam dusoen pula bak muda.
jioh deungon toe abeh loen rawoen.
meusioen bakoeng han tom loen rasa.
pucok naleung glee abeh angoh oen.
di naelung gampong hiasan hate.
ngon goh na judoe katem deungon loen.
peugadoeh rihoen bek gundah hate.
sira ta duk2 ta rawot awee..
tacok keu hasee rizki y kana..
ada pih jioh bak tajak rawee..
uteun deungon glee beu turi beda…

d bineh laot anoe dum dilee..
bak bineh pante ureung poh cakra..
meuheut lam dada sampoe lam hate..
rindu beukoen keuneuk eung gata..

karap dua thoe jumpa tan sampe..
ka lhee goe pade tan tatap muka..
lee na leumah cit hasee ca’e..
lee na geusmpee bak doya maya..
Mangat-mangat kuah b0h labu..
Bar0e segitu ka leupah sira..
Mangat-mangat ban-2 setuju..
Sesudah itu hilang smua..

Enaklah enak mandi d kali..
Air-@ bersih segar sekali..
Awai d seunang lheh nyan d bnci..
Pahit sekali rasa-@ hati..

Mula knalan d dkat pasi..
Ateuh keurusi tadu2k dua..
Janji setia samp0e an mati..
Sang_2 han leukang se umu donya..

Bak bineh la0t tim0h bak ar0n..
Bak bineh jur0ng tim0h bak pulang..
Y0h awai mula seunang meu ay0n..
Hana tr0k sith0n ka teurasa jra..

Ta pula pade 0h ujeun dtang..
Wate meusen blang ureung seumula..
Awai ph0n d jak tampaku undang..
Belum sebulan dy pun perg..

Begitu indah sibunga mawar..
Harum semerbak wangi sX..
Bgtu indah janji trbuat..
Sampe-2 menusuk hati..

Hatilah hati memetik mawar..
Tak0t tertancap ìtu siduri..
Hatilah hati janji terucap..
Banyak sudah yg teringkari.

Aduh indah-@ sibuah serba..
Indah sekali bentuk rupa-@..
Indahlah ìndah janji setia..
Indah d bibir hati berbeda..
k oh lipah pula lipah,
pucok jih reubah u dalam paya,
meunyoe hiem nyoe jeut neupeuglah,
jadeh meunikah geutanyoe dua.

UREUNG TEUMAKI

Tajak ngon moto tawoe ngon tapak
Jalan ka rusak oh lheueh tsunami
Wahe syedara nyang na di barak
Nue jaga jarak ngon ureung teumaki

PEUMIMPIN AGONG

yoh awai buleun ureung top tupong
peugot boh rom-rom buka puasa
aleh pajan trok peumimpin agong
jak bantu tulong rakyat lam desa

TEUTAP KUMITA

Sigeundot rusa keumang ‘oh beungoh
Sigeudot tanoh keumang ‘oh seunja
Lawan ngon musoh kabeh kutu’oh
Adak kalop lam tanoh teutap kumita

Lagu Aceh Terbaru 2014 Faisal Ulka - Seumuloh Cahya

           MEUAH LOEN SAMPE                                                                                                                         meuseu meuh hai dex goh ek uloen bloe..
mantong lam rantoe hai dex dalam ikula..
meuseu di gata hai dex ek na peugantoe..
rela uloen nyoe hai dex asai bahgia..



koen han loen cinta koen han loen sayang..
keu gata intan hai dex d banda..
han sampe hatee adex lon saayang..
taduk lam lajang ta preh loen gisa..



dari lhoknga hai dex tumboh ucalang..
tajak u medan pesawat kana..
bek sampe putoh tanyoe hubungan..
anggap lah kawan hai dex teman setia..

meuseu dalam glee tapula lawaang..
kamoe dalam blang meupula pade..
meuseu keu uloen hai dex beutoi ta sayang..
bek ta lupakan hai dex sampoe an-mtee..

gaseh han abeh hai dex cinta han leukang..
selama sayang tan dua hatee..
beuthat ta caroet bah muka masam..
loen jaga sayang bek troek bak hatee..

lam goh ta ek ue awai ta pandang..
bek teulah datang oh troek dalam gue..
meuseu gaseh keu uloen tuan..
bek sampe sikhan bah bandum lajue..

meuseu hana peugah jue rijang..
bek singoh datang dendam lam kalbu..
di loen han beungeh boh hate sayang..
demi keudroen nyan si-umu-umu..

bah ta-eu' jawa pabrek meukuran..
atjeh loen sayang yang paleng makmu..
bah that ramai laen ngon datang..
han hai sayang uloen tueng laju..

meuseu di lhoeng ureung pula drien..
ureung peh sikin leupah that karu..
meuseu di uloen singoh han mai lee tanging..
bek sampe neuking nibak sahibu..

tok-tok beeuragoe leupah that indah..
geuboh ngon babah busoe manila..
haba ka abeh warahmatullah..

loen lakee meuah dara loen cinta..

sira ta duk2 ta rawot awee..tacok keu hasee rizki y kana..ada pih jioh bak tajak rawee..uteun deungon glee beu turi beda...
d bineh laot anoe dum dilee..bak bineh pante ureung poh cakra..meuheut lam dada sampoe lam hate..rindu beukoen keuneuk eung gata..


karap dua thoe jumpa tan sampe..ka lhee goe pade tan tatap muka..lee na leumah cit hasee ca'e..lee na geusmpee bak doya maya..

Putoh Harapan

Putoh Harapan

sibungong peukan..pucok ka layu,
cabeung ngon ukheu..mandum kapatah,
PuToH HaRaPaN..badan sang pilu,
jantong jimusu..hate bit gundah,

gaseh ngon sayang..ka tan le laku,
cinta ngon rindu..hana soe balah,
bungong pujaan..karang meujampu,
teungoh ta sibu..dirôt le gajah,

meunan tamselan..ulon boh miseu,
rata dum taeu..lagenyan kisah,
janji saboh jan..bersatu padu,
saboh putik u..dua tanyoe plah,

janji cut intan..ulon terharu,
bujuk ngon rayu..keubit that indah,
sampe lon tuan..teukhem ngon bak u,
lembut deungon su..kata ta peugah,

seunang hana ban..lon deungo rayu,
janji sep hayeu..di dalam kisah,
hate lon tuan..sang-sang merindu,
adak jeut laju..bagah meunikah,

riyeuk meuhantam..bakat jimusu,
beurawang lalu..teuga sileumpah,
janji ucapan..cut intan meulu,
dalam si minggu..mandum meu ubah,

gaseh ngon sayang..kabeh meujampu,
cinta ngon rindu..kabeh meu ubah,
janji saboh jan..yang ka tapadu,
meuputie iku..uram tan jeulah,

lagenyam macam..oh akhe taeu,
sunggoh terlalu..bit keubit parah,
lon pike santan..puteh ban susu,
oh ulon teupeu..apui hu mirah,

sunggoh that keujam..cut intat meulu,
lage bak gitue..bahaya leumpah,
duroe sep tajam..bit keubit cincu,
sigoe jilalu..jitubiet darah,

oh keunong simban..saket meu 'eu-'eu,
sampoe u bahu..meutamah parah,
seluruh badan..teurasa kaku,
ceukang bak takue..teuhah ngon abah,

lagenyan macam..cut intan meulu,
peurangui lembu..seureuta gajah,
janji ucapan..ka sigoe sapeu,
pucok ngon iku..meubalek kisah,

hingga lon tuwan..teurasa malu,
janji yang lalu..ka gata ubah,
putoh harapan..oh lon deungo su,
meuribe minggu..hate lon gundah,

uroe ngon malam..meulang-lang rindu,
pinto meu pageu..hana le teuhah,
sunggoh malang..nasib diriku,
hate bit pilu..jantong bit susah.

meumada oh nan..karang lon rireu,
singoh lom ukeu..ta sambong kisah,
meuah lon tuwan..rakan sigitu,
kadang meulalu..haba lon salah.